ميار اسمي .. اسم غريب على جيلي بس معناه حلو .. كنت دايما اسأل أمي نوره شنو يعني ميار اتقولي ضوء القمر و اقولها ليش اخترتي هل اسم اتقولي لأنج ضوء القمر .. طول الوقت افكر ليش ضوء القمر و شنو السبب .
يمكن يستغرب البعض اني أنادي أمي .. بأمي نوره لأنه من فتحت عيني على الدنيا عندي أمين .. أمي نوره البيلوجيه إلي أولدتني و أمي منيرة اهيا يدتي بس أحسها اقرب من أمي .. من أنا صغيره تهتم فيني ما تبي اشعر اني عايشه بدون أبوي .. مع ان ولا مره ذكرته ولا حسيت اني فقته ..كنت صغيره بالسن لما اسال عنه بالرغم اني ما أتذكر الاجوبه بس الي اعرفه اهو مو بحياتي ولا افكر ادخله بحياتي لأني أحس أنه اهو السبب بثغرات بحياتي ..
أدرس بالجامعه بس متأخره عن الي بعمري بسنه وحده ، لأنه في سنه من السنين وقفت دراستي بسبب مرضي السكر و أيضا المشاكل الي صادفتني بحياتي
بحكم انه أمي مطلقه من عمرها عشرين سنه اضطرت اتعيش في بيت ماما منيره الطابق العلوي لنا ، أكثر وقتي اقعد فوق بروحي بسبب خلافاتي المستمره مع خالتي الكبيره ، اهيا اكبر من امي بجم سنه بس .. بس شنو سبب كره خالتي هدى لي ما كنت اعرف .. اتعاملني بقسوه كل ما اشتكي حق امي نوره اتقولي لا اتكبرين الموضوع اهيا خالتج و اتعرف مصلحتج ، يمكن ما ذكرت نقطه مهمه امي نوره شخصيتها ضعيفه او اقدر اقول شخصية مكسوره ، شي كسرها من زمان .. كل هل سنين ادور السبب شنو ماني عارفه او محد راضي يقولي .
المهم انرد على خالتي نوره تزوجت عقب ما امي تزوجت فمن هل سبب اعيالها اصغر مني .. أنا اول حفيده بالعايله .. ديما بنت خالتي هدى اخر سنه بالثانويه و أحمد اصغر مني بسنه و اهو معاي بالجامعه .. اكثر من هل معلومات ما اعرف لسبب عدم احتكاكي معهم ، وهم لسبب خالتي .. اهيا السبب خلتني اكره كل شي بهل بيت ..
خالتي لولوه اكبر مني بأربع سنين .. و هم تدرس بنفس جامعتي ، متأخره دراسيا مو لسبب معين بس لأنها ما اتحب الدراسة ، تقدرون اتقولون انها مالها شغل بكل الامور الي اتصير في بيت ماما منيره ، اقرب شخص لي من عقب امي نوره و امي منيره
توقف معاي في مواقف وايد الي اتصير بيني و بين خالتي هدى ، كانت الكلمه الي اهيا دايما اترددها " لا تظلمين ميار لشي مو اهيا السبب فيه " جمله ما انسها ولا اعرف معناها .. يوم الي اسال فيه الكل يتهرب من الاجابه ..
كلمات مبهمة بدأت فيها مقدمة المسلسل الروائي ميار ، توضح المعاني مع الأجزاء الروائية
حياتي طبيعية بنظر الجميع أما بالنسبه لي مو طبيعية عشت فتره بعرف شنو سبب ... شنو سبب خوف امي منيره علي .. شنو الي كسر امي ؟ او منو كسرها ؟ ليش خالتي هدى اتعاملي بقسوه و ترمي اللوم علي بكل الأمور و ليش خالتي لولوه اتقول لا تظلمون ميار بشي اهيا مو السبب فيه .. و ليش و ليش و ليش ...
اسأله كثيرة سوف تطرح بالأجزاء ... تبحث عن أجوبتها
ميار
ضوء القمر
تاليف ساره السماوي
ليست هناك تعليقات:
إرسال تعليق